Andrés Castro

Los mios compañers d’Estau Aragonés, m’han empentau, a estar lo candidato de lo nuestro partiu político, a las eleuzions autonomicas de lo 2023. Sisquiera! Ese siu pa optar a presidir lo parlamén, u lo gubierno d’iste país nuestro, por agora inesistén.

Tos embito a soniar con nusatros un Aragón independién, porque asinas ye la bida, un suenio permanén, que s’esbariza dende la cuna dica lo polbo en que mos esfemos, e iste suenio, bi ha que combertilo en lo treballo diario, de fer un poder pa estar amos de lo nuestro destín y no pas basallos, con la nuesta bida escrita en uns papels que no azeutamos, pero ya sapemos, que la ley, ye a begadas, lo puño d’o más fuerte, d’o tirano y los suyos escolanos.

Dende fa uns años, en Estau Aragonés, semos emplegando la parola compleganza, pa que aiga una ozión aragonesista zereña a las instituzions politicas, sin olvidar, que ye la chen la que ha de mandar-nos a ixe destín. Lo aragonesismo, ha de enreligar las suyas mans pa cusir bazios, pa tornar berdes las tierras enlastradas.

Los arboles ploran cuan no bi ha plebias, pero un remolin de luz sobrebuela las auguas d’o pai Ebro. No estoy seguro de saper qui soy, lo que pienso y lo que digo.